Shkup, 26 qershor – Zëvendës drejtori i Doganave, Mustafa Dauti ka komentuar kalimin në Qeveri të Ligjit për përfaqësim të drejtë dhe adekuar duke thënë se BDI ka mashtruar shqiptarët duke i lënë pas dore, kurse tash fillon një epokë e re.
Postimi i plotë:
BDI ishte mbi 20 vjet në pushtet, por kurrë nuk ia doli të bëjë ligjin që garanton përfaqësimin e drejtë dhe adekuat të shqiptarëve në institucionet e shtetit. I mashtruan me fjalë shqiptarët, ndërsa në vendimet e rëndësishme i lanë pas dore.
Sot, falë VLEN-it, ky ligj u bë realitet. Balanceri i padrejtë u hoq dhe më në fund fillon një epokë e re ku shqiptarët nuk do të llogariten më si numra, por si qytetarë me të drejta të plota!
