Automjeti “Smart” përfshihet nga zjarri gjatë lëvizjes në rrugën Tetovë – Kodra e Diellit

MPB ka njoftuar se me datë 17.05.2025 në orën 13:40. në Njësinë e Policisë Kodra e Diellit, M.I. (34) nga Tetova ka raportuar se në automjetin e pasagjerëve “Smart” me targa të Tetovës, në pronësi të F.A.(34) nga Tetova, ka shpërthyer zjarri teksa ka qenë duke vozitur në rrugën rajonale Tetovë – Kodra e Diellit. Nuk ka të lënduar, ndërsa zjarri është shuar nga ekipi i njësisë territoriale të zjarrfikësve të Tetovës. Kontroll është kryer nga ekipi i SPB Tetovës.