Trajneri i Milanit, Sergio Conceicao, reagoi pas humbjes 1-0 ndaj Bolognës në finalen e Kupës së Italisë, e zhvilluar në Stadio Olimpico 1-0.
Ai tha se pjesa e parë ishte e ekuilibruar dhe një epërsi në atë moment do të kishte ndikuar shumë në rrjedhën e ndeshjes.
“Në pjesën e dytë mund të kishim bërë më shumë”, theksoi trajneri portugez.
Conceicao pranoi se pas golit të Bolognës u luajt shumë pak futboll dhe ekipi i tij nuk reagoi mjaftueshëm. “Duhet ta përgëzojmë kundërshtarin, por ne duhet të kishim bërë më mirë”, shtoi ai.
Trajneri shpjegoi se kishte bërë disa zgjedhje taktike para ndeshjes, duke u përpjekur të qëndronte besnik ndaj përgatitjeve dhe stilit të tij të zakonshëm.
Ai vlerësoi se loja ishte shumë fizike dhe skuadra e tij shpesh nxitohej në ndërtimin e aksioneve nga mbrojtja, duke mos arritur të ruajë qetësinë.
Conceicao tha se ndeshja pasqyronte vështirësitë që Milani ka përjetuar këtë sezon, por shtoi se pjesa e parë nuk ishte negative, edhe pse ekipi mund të kishte luajtur më mirë.
Në fund, ai shprehu zhgënjimin për humbjen e një trofeu dhe tha se do të përpiqen ta përfundojnë sezonin me dinjitet, duke filluar nga përballja me Romën.
