Një baba ka rrëfyer momentin tronditës kur një ‘karusel’ dështoi në funksionim gjatë një festivali në Wester Hailes, Edinburg të Skocisë.
Kevin McNulty, i cili ndodhej në ‘karusel’ me partneren dhe tre fëmijët e tij, tha se një nga makinat “doli plotësisht nga vendi” teksa ‘karuseli’ rrotullohej me shpejtësi të lartë, duke u përplasur në një tjetër makinë dhe më pas në skajin e platformës, përcjell Telegrafi.
Pamjet e regjistruara nga McNulty tregojnë se gëzimi dhe të qeshurat e vizitorëve shndërrohen në britma paniku ndërsa ‘karuseli’ del jashtë kontrollit.
Ai tha se një altoparlant i madh fatmirësisht ndaloi makinën nga përplasja më e rëndë.
Fotografi nga vendngjarja tregojnë pjesë të shpërndara në tokë.
Ndërsa karuseli u mbyll menjëherë pas incidentit, pjesa tjetër e panairit vazhdoi punën.
McNulty thotë se i gjithë panairi duhej mbyllur për një inspektim të plotë.
“Të vetmet mendime që më kalojnë në kokë janë ato se çfarë mund të kishte ndodhur”, tha ai. “Fëmijët e mi janë me të vërtetë me fat që dolën prej aty në këmbë”.
