Poezi nga: Josefina Pla
Përktheu: Bajram Karabolli
Vetëm me një vështrim,
vetëm një ninëz për të gjitha gjërat.
Për agimin dhe muzgun,
për dashurinë dhe urrejtjen,
për të dashurin dhe xhelatin,
për turtulleshën dhe nepërkën,
për yllin dhe xixëllonjën.
Vetëm dy duar
për potirin dhe kamxhikun,
për trëndafilin dhe për kaktusin.
Vetëm dy duar
për rërën dhe vesën,
për të përkundur djepin,
për të ledhatuar tëmthat e shpresës
e për të hapur vrimën e fundit të këpucës.
Vetëm një gojë
për të puthur e për të bërtitur,
për t’u lutur e për të blasfemuar;
për psherëtima dhe për gënjeshtra,
për të kërkuar falje
dhe për të dhënë dënimin.
Vetëm një gjak
për të dëgjuar kohën
dhe për të ujitur ëndrrat,
për të blerë plagën dhe agoninë
dhe për të derdhur lotët.
Ah, vetëm një gjak,
një gojë, dy duar
dhe një vështrim të vetëm.
