Lautaro Martinez ka gjashtë vite që është pjesë e Interit, por ai mund të largohet gjatë kësaj vere.
Kapiteni i zikaltërve është në bisedime me klubin për kontratën e re, pasi ajo aktualja skadon në verën e vitit 2026 dhe ka kërkuar rritje të ndjeshme page.
Duke parë problemet e rinovimit të kontratës, dy gjigantët evropianë Chelsea dhe Paris Saint Germain po mundohen ta shfrytëzojnë këtë situatë të argjentinasit.
Të dy gjigantët evropianë e shohin argjentinasin si një element kyç për ambiciet e tyre të ardhshme dhe si një transferim të madh për repartin ofensivë.
Megjithatë largimi i tij nga Interi nuk do të jetë aspak i lehtë, duke marrë parasysh lidhjen e tij të fortë me klubin.
Gjithsesi nëse nuk arrihet së shpejti një marrëveshje për rinovimin e kontratës, Interi mund ta vendos shitjen e tij nëse paguhen 100 milionë euro.
