Seanca plenare e kësaj të enjteje në Kuvendin e Shqipërisë ka nisur me debate mes opozitës dhe mazhorancës në lidhje me rendin e ditës.
Deputetja e Partisë Demokratike, Ina Zhupa, parashtroi kërkesën e opozitës për mocion me debat për sulmet ndaj gazetarëve.
“Kërkesa juaj konstatohet që nuk lidhet me çështje të veçanta që nuk lidhjen me punët e këshillit të ministrave. Nuk është në përputhje me parashikimet e rregullores së Kuvendit”, tha Nikolla.
Nga ana tjetër, deputetja Zhupa iu përgjigj kryeparlamentares se ka njohuri të cekëta dhe neni duhet lexuar në tërësi dhe mocione me debat janë mbajtur dhe për ukrainën dhe Srebrenicën, të cilat gjithashtu nuk kanë lidhje me Këshillin e Ministrave.
“Njohuritë e tyre janë të cekëta. Duhet të konsultoheni me ekspertët. Ku thuhet që mocionet me debat bëhen vetëm mbi veprimtarin ë e Këshillit të Ministrave? Kemi bërë mocion për gjenocidin në Srebrenicë dhe luftën në Ukrainë, cila nga këta është veprimtari e këshillit të Ministrave. Neni lexohet në tërësi jo të marrësh një nen e të lësh një tjetër. Dëshiron t’i tregosh Ramës se nuk lejoj të flitet për gjuhën tënde linçuese. Rama i trajton gazetarët në mënyrën më të keqe të mundshme”, tha Zhupa.
