Futbollisti norvegjez i Manchester Cityt, Erling Haaland shprehet shpeshherë se është adhurues i “Clash of Clans”, ndërsa tashmë është bërë personazh i kësaj video-loje.
Sipas zhvilluesit të kësaj video-loje, Supercell, personazhi që është krijuar sipas Haaland quhet “Mbreti Barbar” dhe është shkarkuar më shumë se dy miliardë herë.
Është gjithashtu interesant fakti se ky është personazhi i parë i “Clash of Clans” që bazohet në një person nga jeta reale.
Haaland e promovoi të gjithë historinë duke publikuar një trailer në rrjetet sociale, në të cilin takohet me personazhet e videolojës përpara se të “transferohej” në botën dixhitale.
“Ishte një ëndërr kur dëgjuam se Haaland ishte një fans i yni dhe donte të bëhej partner me ne”, tha menaxheri i përgjithshëm i Clash of Clans, Stuart Megow.
Haaland tha se ishte “i emocionuar që më në fund mund të fliste për këtë”.
“Është bukur që u bëra personazh në këtë video-lojë. Jam një tifoz i madh dhe kam ditur gjithçka për të për një kohë të gjatë”, tha sulmuesi i klubit anglez.
