Federata e Futbollit e Anglisë (FA) ka konfirmuar dy ndryshime të rëndësishme në FA Cup për sezonin e ardhshëm – dhe disa tifozë nuk do të jenë të lumtur.
Tashmë është njoftuar se FA Cup do të shfaqet kryesisht nga TNT Sports si pjesë e një marrëveshjeje transmetimi katërvjeçare që fillon sezonin e ardhshëm.
Tani, FA ka konfirmuar një marrëveshje të re me Ligën Premier që, siç përshkruan, do të ‘forcojë formatin e Emirates FA Cup me dritare të reja dhe ekskluzive kalendarike’.
Marrëveshja, e cila do të zgjasë për ‘të paktën gjashtë vjet’, do të shohë çdo raund të Kupës FA të luhet në një fundjavë, duke përfshirë të gjitha raundet kualifikuese dhe raundin e pestë, i cili shpesh është luajtur në mesjavë vitet e fundit.
Si pjesë e orarit të ri, të gjitha ndeshjet nga raundi i katërt e tutje nuk do të luhen në të njëjtën kohë me ndeshjet e Ligës Premier.
Finalja e garës do të luhet në fundjavën e parafundit të sezonit të Ligës Premier.
Është rënë dakord gjithashtu që ndeshjet kthyese do të anulohen nga raundi i parë – një vendim që sigurisht do të ndajë tifozët e klubeve të EFL në veçanti.
Nderkohë, në një tjetër njoftim të madh, Liga Premier do të rrisë fondet e saj për pjesën tjetër të piramidës së futbollit, duke siguruar ‘deri në 33 milionë funte shtesë për futbollin bazë, mbi 100 milionë funte që jep aktualisht për kauza të mira’.
