Ylli i ri brazilian i futbollit Endrick është vetëm 17 vjeç, por tashmë prej kohësh po mbush titujt e mediave botërore pasi të gjithë e shohin si lider të skuadrës së Real Madridit në dy dekadat e ardhshme.
Endrick është tashmë në qendër të vëmendjes pasi mediat në Brazil shkruajnë se së shpejti ai planifikon të martohet me modelen Gabriely Miranda, e cila është katër vjet më e madhe se ai.
Siç shkruan Jornal Extra, Endrick dhe Gabriely po planifikojnë një martesë së shpejti, ndonëse prindërit e futbollistit të ri e këshillojnë që të “qetësohet” dhe të mendojë për lëvizjen pasi nuk është ende në moshë madhore.
Fakti që modelja nuk e aprovon saktësisht kalimin në Evropë, ku futbollisti brazilian duhet të nxitojë sepse më pas do t’i bashkohet Real Madridit, është tashmë një problem për Endricken.
Madridi kohë më parë ka rënë dakord për transferimin e tij prej 45 milionë eurosh nga Palmeiras, ku këtë sezon që sapo ka nisur në Brazil ka shënuar 2 gola dhe ka asistuar në 8 ndeshje.
Edhe pse është vetëm 17 vjeç, Endrick ka bërë tashmë katër paraqitje për kombëtaren braziliane dhe në dy të fundit shënoi gola kundër Spanjës (3:3) dhe Anglisë (1:0), kur i solli fitoren skuadrës së tij në Wembley.
