13 vite më parë, Njësia Speciale e Kosovës e njohur si ROSU kishte ndërmarrë një aksion për vënien në kontroll të pikave kufitare në veri, Jarinjë dhe Bërnjak.
Gjatë këtij aksioni policia hasi në pengesat e serbëve në veri, ku si pasojë edhe u vra polici Enver Zymeri.
E sot pikërisht në vendin ku u vra polici Zymeri është përuruar një pllakë përkujtimore në nder të tij.
Në përurimin e kësaj pllake mori pjesë edhe kryeministri i Kosovës, Albin Kurti. Së bashku me Kurtin ishin edhe drejtori i Policisë së Kosovës, Gazmend Hoxha, ministri i MPB-së, Xhelal Sveçla dhe familjarët e policit të ndjerë.
Në vendin ku është vendosur kjo pllakë është vendosur edhe flamuri i Kosovës e po ashtu edhe kamerat e sigurisë.
