Simone Inzaghi e ka çuar Interin në një nivel të ri dhe puna e tij i ka ndihmuar klubit të sjellë mbi 400 milionë euro të ardhura gjatë tre viteve të fundit.
Trajneri 47-vjeçar italian i ka shndërruar Nerazzurrët në një nga skuadrat më të forta në Evropë që nga ardhja e tij në vitin 2021, duke i çuar në finalen e Ligës së Kampionëve sezonin e kaluar dhe duke i vendosur në rrugën e duhur për të fituar Scudetton e 20-të historike këtë sezon.
Inzaghi ka më pak se 18 muaj të mbetur në kontratën e tij me Interin, por klubi po planifikon të ulet me trajnerin e tyre në muajt e ardhshëm për të vendosur një marrëveshje të re, për ta blinduar italianin përpara sezonit të ri.
Sipas gazetës Tuttosport, puna e Inzaghit në skuadrën e Interit gjatë tre viteve të fundit i ka sjellë klubit të paktën 460 milionë euro, falë rezultateve të tyre të forta në garat vendase dhe në Ligën e Kampionëve.
Bilanci ishte tashmë pozitiv në fund të sezonit 2022/23 me fitime prej 270 milionë euro, ndërsa këtë vit do t’i shtojnë edhe 190 milionë euro tjera.
Në fund të këtij sezoni, Nerazzurët do të mbledhin rreth 190 milionë euro të ardhura, – kualifikimin në Ligën e Kampionëve (50 milionë euro), sezonin e tyre 2023/24 në Ligën e Kampionëve (rreth 85 milionë euro) dhe kualifikimin e Kupës së Botës për Klube (50 milionë euro).
Këtyre shifrave i shtohen edhe fitimet e tyre si rezultat i fitores së tyre në Scudetto, Superkupën e Italisë dhe të gjitha marrëveshjet e tyre të ndryshme sponsorizimi.
