Disa persona u plagosën në një sulm me dron në objektet industriale në republikën ruse të Tatarstanit, më shumë se 1,100 km nga kufiri me Ukrainën, thanë autoritetet lokale të martën, më 1 prill.
“Këtë mëngjes, ndërmarrjet industriale në qytetet Yelabuga dhe Nizhnekamsk u sulmuan nga dronët. Nuk pati dëme serioze, procesi teknologjik i ndërmarrjeve nuk u ndërpre”, tha udhëheqësi i Tatarstanit Rustam Minikhanov në një postim në kanalin e tij Telegram.
Dy dronë sulmuan një konvikt në zonën e Zonës së Posaçme Ekonomike, njoftoi zona në Telegram, duke shtuar se dy persona janë lënduar.
Agjencia e lajmeve TASS njoftoi, duke cituar shërbimet e urgjencës, se shtatë persona u plagosën.
Dy adoleshentë raportohet se ishin mes të plagosurve dhe autoritetet lokale më vonë njoftuan se tre persona u shtruan në spital.
Nexta raporton se dronët sulmuan fillimisht kompanitë në Yelabuga dhe Nizhnekamsk në Tatarstan, që ndodhen 1200 kilometra nga kufiri ukrainas.
