1 Qershor, 2020

CNN ALBANIA

Raportime te besueshme

Maks Velo, gjate ceremonise se celjes se Muzeut Kombetar te Fotografise "Marubi", ne qytetin e Shkodres, i cili eshte peruruar me rastin e Dites se Europes. /r/n/r/nMaks Velo, during inauguration of the National Museum of Photography "Marubi" in Shkodra, inaugurated on the occasion of Europe Day.

Shuhet Maks Velo

Është ndarë nga jeta në moshën 84-vjeçare arkitekti, shkrimtari dhe piktori i njohur Maks Velo. Mësohet se Velo ishte i shtruar prej disa ditës në QSUT, pasi vuante nga një sëmundje e rëndë. Ditët e fundit, gjendja e tij shëndetësore ishte përkeqësuar së tepërmi, derisa sot ka mbyllur sytë përgjithmonë.

Kush ishte Maks Velo dhe çfarë la pas:

Maks Velo lindi në Paris, më 31 gusht të vitit 1935. Pas lindjes së tij, familja Velo u kthye përsëri në Shqipëri, në qytetin e Korçës, ku Maksi ka kaluar edhe fëmijërinë. Vendi i origjinës së prindërve ishte Dardha.

Pasi mbaron gjimnazin, ai vazhdon studimet pranë Institutit Politeknik, në degën e Inxhinierisë së Ndërtimit. Më pas specializohet për arkitekturë dhe në vitin 1960 merr pjesë në projektimin e parë që u bë në Tiranë. Ka punuar më tej pranë byrosë së projektimit të Tiranës. Pastaj, vitet ’78-’79 përkojnë edhe me periudhën më të vështirë të jetës së tij, pasi gjatë kësaj kohe, ai arrestohet dhe dënohet me dhjetë vjet burg.

Maks Velo është autor i një sërë botimesh si: “Kokëqethja”, “Palltoja e burgut”, “Thesi i burgut”, “Paralele për arkitekturën”, “Kohë antishenjë”, “Jeta ime në figura ” etj. Si artist, ai krijon në disa gjini të artit: pikturë, prozë, poezi, publicistikë sikundër është i angazhuar në çështje të aktualitetit shqiptar.